काठमाडांै, फागुन  ।  पाँचथरमा निर्माणधीन २२.२ मेगावाट क्षमताको तल्लो हेवा जलविद्युत आयोजनाको  साधारण शेयर निष्काशन  भएको छ । माउन्टेन हाईड्रो नेपाल लिमिटेडले सर्वसाधारणका लागि छुट्याएको शेयर निष्कासन गरेको हो । प्रतिकित्ता सय रुपैयाँमा अंकित १८ करोड १६ लाख ११ हजार रुपैयाँ बराबरको १८ लाख १६ हजार १ सय १० कित्ता शेयर निष्कासन गरेको छ । निष्कासन गरिएको शेयरमध्ये ३६ हजार ३ सय २२कित्ता कर्मचारीका लागि र ४० हजार कित्ता सामुहिक लगानी कोषका लागि छुट्याइएको छ । बाँकी १७ लाख ३९ हजार ७ सय ८८ कित्ता शेयर सर्वसाधारणका लागि छुट्याइएको छ । लगानीकर्ताले न्युनतम ५० कित्तादेखि अधिकतम ८० हजार कित्तासम्मका लागि आवेदन दिन पाउनेछन् । आयोजनामा लगानी गर्न लगानीकर्ताले छिटोमा फागुन २८ गतेसम्म र ढिलोमा चैत्र २२ गतेसम्ममा आवेदन दिइसक्नुपर्ने छ । शेयर निष्कासन गरी बाँडफाँड गर्न सिद्धार्थ क्यापिटललाई बिक्री प्रबन्धक तोकिएको छ ।