विद्युतीय व्यवसायी संघद्धारा होली मिलान समारोह

प्रकाशित मिति : Fri-13-Dec-2075
- Admin

वीरगञ्ज,चैत । पर्सा विद्युतीय व्यवसायी संघद्धारा होली मिलान कार्यक्रम सम्पन्न भएको छ । होली विशेष शुभकामना आदान प्रदान सँगै सबैबीच मेलमिलाप,समान व्यवहार तथा विश्वबन्धुताको भावना र नयाँ मित्रता कायम राख्ने उद्धेश्यले गत बुधबार वीरगञ्जको गीता मन्दिर हलमा कार्यक्रमको आयोजना गरी सम्पन्न गरिएको पर्सा विद्युतीय व्यवसायी संघका अध्यक्ष कृष्ण पटेलले बताए ।

कार्यक्रमको मुख्य प्रायोजक ओरियन्ट एलईडी बल्ब,वीरगञ्ज रहेको थियो भने कार्यक्रमको प्रमुख अतिथि पर्सा विद्युतीय व्यवसायी संघको पूर्व कोषाध्यक्ष तथा वर्तमान सल्लाहकार बसन्त गुप्ता रहेको थियो । होली समारोह कार्यक्रममा संघका पदाधिकारीहरु सहित ६१ जनाको उपस्थिति रहेको अध्यक्ष पटेलले बताए । संघमा हाल ८० जना सदस्य रहेका छन् ।