जिपी फाउण्डेशनद्धारा बारा पर्साका प्राकृतिक प्रकोप पीडितलाई रक्तदान

प्रकाशित मिति : Wed-04-Dec-2075
- विद्युत संसार संवाददाता

काठमाडौँ,चैत । बारा र पर्सा जिल्लामा आइतबार साँझ आएको हावाहुरीबाट घाइतेहरुको उपचारका लागि गिरिजाप्रसाद कोइराला फाउण्डेशन काठमाण्डौले रक्तदान गरी घाइतेहरुको लागि आवश्यक पर्ने रगत सहयोग गरिदिएको छ ।

फाउण्डेशनले शुक्रबार राजधानीको जमलमा वृहत खुल्ला रक्तदान कार्यक्रमको आयोजना गरी रगत संकलन गरेको हो । फाउण्डेशनले आयोजना गरेको रक्तदान कार्यक्रममा ८२ जनाले रक्तदान गरी ८२ पाउन्ड रगत संकलन गरेको थियो ।

कार्यक्रममा नेपाली काँग्रेसकी नेतृ एवम् फाउण्डेशनको ३ नं प्रदेश कार्यसमितिकी संयोजक रिता खनाल, काठमाडौं जिल्ला संयोजक अर्जुन पराजुली, नेपाली काँगे्रस ९ नं क्षेत्रीय सभापति धर्मराज गौतम तथा गोपाल गौतम, नारायण गौतम, कमल गौतम, माधव लामिछाने, उपेन्द्र खड्का, लक्ष्मी शर्मा, अतोष पराजुली लगायत ८२ जनाले रक्तदान गरेका थिए ।

काठमाडौं २ का निवर्तमान सांसद दिपकप्रसाद कुइँकेलले रक्तदातालाई रक्तदान गर्ने ब्याग प्रदान गरि रक्तदान कार्यक्रमको उद्घघाटन गरेका थिए भने रक्तदानको लागि योगेश खड्गीले आवश्यक सहयोग गरेको फाउण्डेशनका काठमाण्डौं जिल्ला समितिका प्रवक्ता रामप्रसाद पौडेलले बताए । कार्यक्रममा रक्तदातालाई संयोजक अर्जुन पराजुलीले प्रमाणपत्र समेत वितरण गर्नुभएको थियो ।