काठमाण्डौं,बैशाख । विगत लामो समयदेखि इलेक्ट्रिसियनहरुको हकहितका लागि काम गर्दै आएको संस्था नेपाल इलेक्ट्रिसियन संघ,काठमाण्डौंले इलेक्ट्रिसियनको परिवारलाई समेत विशेष छुटका साथ दाँत को उपचार गराउन  ओम समाज डेण्टल हस्पिटल सँग सम्झौता गरिएको छ । नेपाल इलेक्ट्रिसियन संघ र ओम समाज डेण्टल हस्पिटल बीच २०७६ बैशाख ४ गते बुधबार दुईपक्ष सम्झौता भएको  स्वास्थ्य उपसमितिका संयोजक कृष्ण राज पाण्डेले विद्युत संसारलाई बताए ।

सम्झौतापत्रमा ओम समाज डेण्टल हस्पिटलको तर्फबाट डा.सुभास घिमिरे र नेपाल इलेक्ट्रिसियन संघ काठमाण्डौंको तर्फबाट कृष्ण राज पाण्डे,पदमनाथ शर्मा र देउमान श्रेष्ठले हस्ताक्षर गरेका छन् । नेपाल इलेक्ट्रिसियन संघ,काठमाण्डौंले इलेक्ट्रिसियनको परिवारलाई समेत फुलबडि चेकमा बिशेष छुटको व्यवस्था गर्न सम्बन्धित बिभाग हरुसँग परार्मश गरिराखेकोे, १३० औ अन्तराष्ट्रिय मजदुर दिवस बैशाख १८(मे दिवस)को उपलक्ष्यमा नेपाल इलेक्ट्रिसियन संघ,काठमाण्डौं र ओम समाज डेण्टल हस्पिटलको संयुक्त आयोजनामा बिजी महल नयाँ बसपार्कमा निःशुल्क दन्त शिविर  कार्यक्रम समेत रहेको हामीसँगको कुराकानीमा संयोजक पाण्डेले  बताए ।

 

दुईपक्ष बिचमा भएको सम्झौतामा के के  छन्  त ? 

 

१) नेपाल इलेक्ट्रिसियन सघंको सदस्यलाई कुनै पनि सर्जरीमा ५० प्रतिशत छुट हुनेछ । 

२) नेपाल इलेक्ट्रिसियन संघको सदस्य लाई उपचारमा ३० प्रतिशत छुट हुनेछ । 

३) नेपाल इलेक्ट्रिसियन संघको पारिवारीक सदस्यलाई उपचारको प्रकृति हेरेर २५ देखि ३० प्रतिशत सम्म छुटको व्यवस्था 

रहेको छ । 

४) छुट रकमको लागि नेपाल इलेक्ट्रिसियन संघ सदस्यता पत्र अनिवार्य रुपमा ल्याउनु पर्ने छ । 

५) परिवारिक सदस्य भन्नाले श्रीमती, श्रीमान छोरा ,छोरी आमा, वुवा लाई मात्र लागु हुने छ । 

६) नेपाल इलेक्ट्रिसियन संघको सदस्य परिचय पत्र अनिवार्य रुपमा नविकरण गरेको हुनु पर्ने छ । 

७) यो सम्झौता पत्र चावहिल गोपिकृष्ण मार्ग र नैकाप शाखा दुवैमा लागु हुनेछ ।