माथिल्लो त्रिशूली थ्री ए संरचनाको परीक्षण सफल

प्रकाशित मिति : Sat-18-Jan-2076
- Admin

काठमाण्डौ, बैशाख । रसुवा र नुवाकोटमा निर्माणाधिन ६० मेगावाट क्षमताको माथिल्लो त्रिशूली थ्री ए जलविद्युत आयोजनाको संरचना तथा उपकरणहरुको परीक्षण सफल भएको छ । विद्युत उत्पादन सुरु गर्नुभन्दा पहिला गर्नु पर्ने सम्पूर्ण परीक्षण सम्पन्न भएको हो ।प्राधिकरणका कार्यकारी निर्देशक कुलमान घिसिङका अनुसार विद्युत गृहमा रहेका उपकरणहरुबाट विद्युत उत्पादन नगरी गरिने परिक्षण सोमबार सम्पन्न भएकोे बताए । सुरुङबाट आएको पानीलाई पेनस्टक पाइप हुँदै विद्युत गृहमा रहेको टर्वाइनमा झारिन्छ र त्यसबाट जेनेरेट, कन्ट्रोल प्यानेल लगायतका उपकरणहरु डिजाइन अनुसार चले÷नचलेको हेरिन्छ । ननलोड टेष्टिङ सफलतापूर्वक सम्पन्न भएको बताउँदै अब सुरुङमा रहेको पानी खाली गरेर त्यहाँ चुहावट भएरनभएको हेरी पानी खाली गर्न र भर्न ५ र ६ दिन लाग्ने र , यसबीचमा अन्य कामहरु पनि समानान्तर रुपमा अगाडि बढ्ने निर्देशक घिसिङले बताए । आयोजनास्थल बाट काठमाडौंको मातातीर्थसम्मको २२० केभी प्रसारण लाइनको निर्माण सकिएको छ ।

कुल अनुमानित लागत १२ करोड ५८ लाख डलर रहेको आयोजना नेपाल सरकार एवं प्राधिकरणको लगानी र चिनियाँ एक्जिम बैकको सहुलितपूर्ण ऋणमा निर्माण भइरहेको हो । इन्जिनियरिङ, खरिद र निर्माण (इपिसी) मोडलमा सिभिल विद्युत्गृह, बाँध, सुरुङलगायतका संरचना र इलेक्ट्रोमेकानिकल तथा हाइड्रो मेकानिकलका काम गर्न चाइना गेजुवा ग्रुप अफ कम्पनीज (सिजिजिसी)सँग १४ जेठ २०६७ मा ठेक्का सम्झौता भएको थियो ।