काठमाण्डौ, जेठ । विद्युतीय फोहोर व्यवस्थापनका लागि चौधरी ग्रुप र ब्लु वेस्ट टु भ्यालुबीच सम्झौता भएको छ ।  विद्युतीय सामग्रीले गरेको प्रदूषण र त्यसले बढाएको फोहोरलाई रोक्न दुई व्यावसायिक कम्पनीबीच सम्झौता भएको हो । विश्व वातावरण दिवसको अवसरमा चौधरी ग्रुपका प्रबन्ध निर्देशक निर्वाण चौधरी र ब्लु वेस्ट टु भ्यालुका प्रमुख कार्यकारी अधिकृत नवीन विकास महर्जनले सम्झौतापत्रमा मंगलबार हस्ताक्षर गरेका हुन् । विद्युतीय सामानको समय सकिएपछि वा बिग्रिएपछि फोहोर भन्दै याँक्ने प्रवृत्ति रहेकाले त्यसको व्यवस्थापन गर्न यो सम्झौता भएको चौधरी ग्रुपका प्रबन्ध निर्देशक निर्वाण चौधरीले बताए । सरकारबाट विद्युतीय फोहोर व्यवस्थापनका लागि नियम कानुन आउन समय लाग्न सक्छ बताउदै उनले भने “हामील आनो तर्फबाट सक्दो योगदान गर्नुपर्छ,”।

विद्युतीय उपकरण वितरण तथा बिक्री गर्ने कार्यमा चौधरी ग्रुप अग्रणी स्थानमा रहेकाले यसको फोहोर व्यवस्थापनको थालनी पनि ग्रुपबाटै गर्ने उनले बताए । सम्झौता अनुसार सीजी र एलजीका सबै आउटलेटमा ग्राहकले जुनसुकै कम्पनीको विद्युतीय फोहोर हस्तान्तरण गर्न सक्नेछन् । टीभी, फ्रिज तथा वासिङ मेसिनजस्ता भारी सामानका लागि भने घरदैलोमा लिन आउने व्यवस्था र यी तीन सामानमा ग्राहकले छुट पनि पाउने व्यवस्था गरिएको छ । विद्युतीय सामानको प्रयोग तथा सुरक्षित फोहोर व्यवस्थापनका लागि आउटलेटबाट संकलन भएका फोहोर ब्लु वेस्ट टु भ्यालुको रिसाइक्लिङ केन्द्रले फोहोर विस्थापन गर्नेछ । ब्लु वेस्ट टु भ्यालुका प्रमुख कार्यकारी अधिकृत महर्जनका अनुसार विद्युतीय फोहोरलाई पहिले मर्मत गर्ने र मर्मत गर्न नमिल्नेलाई आवश्यक सावधानी अपनाई छुट्याएर अन्य सामानको कच्चा पदार्थका रूपमा प्रयोग गर्नेे बताए ।

विद्युतीय फोहोरमा हानिकारक रसायन तथा धातुको प्रयोग हुने भएकाले फोहोर व्यवस्थापनको काम चुनौतीपूर्ण छ  रहेको उनले बताए ।  सन् २०१७ मा गरिएको एक अध्ययनले काठमाडौंमा १७ हजार ७ सय ३० टन विद्युतीय फोहोर उत्सर्जन भएको कम्पनीले जनाएको छ । यस्तो फोहोर दिनप्रतिदिन बढदो क्रममा भएकाले उचित समयमा व्यवस्थापन गर्न  आवश्यक छ । त्यस्तै यसलाई प्रयोग गरेर अर्थोपार्जन गर्न सकिने अवसर पनि छ । विद्युतीय फोहोर व्यवस्थापनका लागि चौधरी ग्रुप र ब्लु वेस्ट टु भ्यालुको भन्दा सर्वसाधरणको मुख्य भूमिका रहने विद्युतीय फोहोर व्यवस्थापनका प्रोजेक्ट नेतृत्वकर्ता मनश्री नेवाले बताए ।